CORBARIA Villis

CORBARIA Villis

aliis Cervaria, oppid. Cataloniae, ad radices Pyrenaeorum, in ipso confinio Comitatus Ruscinonensis, in ora littorali maris Mediterranei 2. leuc. ab Illiberi in Austrum, Rhodam versus. Vide Cervaria. Addo, hîc quod dicatur vulgo Corbiere, prope Birram fluvium; unde montes proximi Corbarienses cognominantur les Montagnes de Corbiere. Nomen suum dedit Archidiaconatui cognomini, ad Ecclesiam Narbonensem pertinenti. Vallis Corbaria palatium memoratur in Append. Chronici Fredegarii, Hadr. Vales. in voce Narbo.